燊榮大師可以幫忙看看事業和財運嗎
大師你好, 我出生時間係新曆1991年3月22日 早上8時20分 香港出生
我既事業和財運近8年都唔太好, 比較好的時段應該是2012澳洲畢業返到香港, 第1份工作係做會計, 但太辛苦成日ot到10點11點, 所以做左幾個月就無做, 之後2012年年底經爸爸介紹去左佢朋友的公司度做, 主要係做賣high-end產品既銷售員, 哩段時間我覺得過得算係比較好, 工作算輕鬆, 放工就同同事去下玩同食, 收入仲要唔錯, 但可惜做左2年幾公司就結業了..
之後2015年返到澳洲做左一陣銷售員, 無耐就去考左一張老人院護理員既證, 係老人院做care worker又做左一段時間, 直到2019年底到2020年頭因為我隻手患左嚴重既濕疹, 基本上休息幾日隻手好返少少, 去老人院返1,2日工隻手又爛過, 之後就直頭quit左份工....
之後covid其間都好難搵工, 我就係網上上左一個數據分析既短課程, 上完半年堂, 用左半年時間搵工, 但之係做左半年就比人炒左, 比人炒後一直都係做散工都做左一排, 近哩2個月就試下開網店, 不過做得普普通通, 依家每個月散工+網店收入只係緊緊夠過日子
所以想問下燊榮大師, 我既事業同財運幾時先會比較好? 做咩行業或者學咩技能可以會比較有優勢同易成功? 早2個月我係度問自己要搵幾多錢先夠, 之後我set左一個目標, 不過依家都係緊緊夠過日子, 感覺仲係好遙遠........ 32歲仔樓又無, 女友又無, 工作又十分唔穩定, 朋友都唔係好敢見同少左聯絡
希望能夠得到大師指點, 謝謝
流年事件：
從香港出國到澳洲讀書
從香港回到澳洲尋找工作機會
8/31/2023 9:50:01 PM
你八字是食神生財格，並不是身旺，因為天干比刼太多，但地支無金根，未卯會木，辰卯木方，未辰之土已經轉化成木，辰未土不再生辛金，似乎是從財格論，八字喜水木火，忌土金，尤忌地支申酉金，紫微斗數命坐太陰，善計算統籌，太陰亦是財星，生財有道，人緣好，有口才，做零售最佳，以財為喜，娶老婆比較有助力，夫妻關係好，但是財帛宫有天空，不聚財，財來財退，事業宫地刼，工作做不長，容易轉工，同時:福德宮有巨門自化祿及火星，有突發之財，但是快来快去，投機暴險少做為宜，你明年開始行財運，十年內結婚，脚踏實地可以揾到錢，(忌投機炒股)財運一值行到2027年，2028年開始差，尤其是庚戌.辛亥年，壬子年以後又轉好，甲寅.乙卯年最好，45嵗以後開始創業.發財買樓(只宜做實業，忌投機炒股)，財運好至60嵗,60嵗以後應該退休，不宜再進取。
大師早晨, 多謝你既回覆, 我之前都有不斷submit CV 去D公司零售同埋office既工都有, 可惜都無咩回音, 希望承你貴言農曆9~10會有好轉
同埋大師我想問下我個八字求財既話係咪要55歲先開始好? 因為我好多年前畢業返香港個時搵過一個師傅睇八字, 佢講左好多五行既野, 我聽到一舊雲, 我大概記得佢講既係我個八字木太多, 金沉水底, 好運行得早, 話我己丑年個大運幾好, 但可惜得十年同行得早, 無咩用, 過左己丑個大運要到55歲個大運財運先會好返少少, 話我個八字財多身弱, 一生都留唔到財, 同埋話我個八字婚姻會唔係幾好, 想知哩位師傅講既係咪真??
大師原來都覆緊我, 我岩岩覆你時未睇到, 原來我係喜水木火, 因為我之前睇都係話我喜金, 土
我之前炒股都損過手, 依家就算買都係買D好穩陣收下息算, 會注意做實業盡量唔做投機既行為, 多謝大師指點
明年財運雖然開始好起來了，但是八字辰辰刑.子卯刑，防犯官非是非，損手損脚。
明年財運雖然開始好起來了，但是八字辰辰刑.子卯刑，防犯官非是非，損手損脚或母親.兄弟有事。
好的, 多謝大師, 下一年會注意, 希望屋企人無事
按照卦象來看，你思文靚仔，口才又好，做零售服務最好，你可以目前去找工，做零售業，如果找不到，可以在農曆9~10月找到工作，也是在這兩個月財運開始轉好。