請教焱榮大師，我發現自己有個大運同日柱伏吟，財星被爭合，是否代表婚姻危機？
大師你好，小弟香港出世，時間由醫院提供。
上年睇書睇youtube自學八字，老實講只係識少少，其實見到合化已經唔識睇，咁啱又見到自己會未來有個伏吟大運，有多個戊來爭合癸(財星)，真係驚，想請教我會唔會遇到婚姻危機？
另外，都想請教一下，我條命應該係身弱，正路應該喜火，但我早年行火運既時侯又覺得壞事連連，所以我都好混亂，想請教下幾時先會行好運？而我最衰果幾年又過左未？而我同兩個女既關係又會唔會好？
唔好意思，一次過問左咁多，晌度多謝大師先！
重要事件： 2014年：結婚 2018年：生大女 2020年：生細女
流年事件：
1/11/2024 11:20:00 PM
我最衰果幾年又過左未？(請問:你是最衰那幾年？ 你自從2016年庚辰大運以來，你覺得過成怎樣？尤其是2020，2021年這兩年是好？是壞？
謝謝焱榮大師回覆
目前我覺得最衰既年份應該係2018年既下半年，果年股票輸大錢，2019年1月頭仲俾人炒埋，當年真係有諗過jump。還好之後平復到個心情，過左個農曆年又俾我番到份工，仲要人工高左。
2016年計起啦，事業停滯不前，我記得呢年打後就冇加過人工，想轉工又轉唔到，就係直到2019年俾人炒埋。投資上有短暫咁贏過錢既，但之後都係要輸番突，之後仲要輸大錢。
2020, 2021年：工作上都冇發揮既機會，成日俾人掉來掉去，成個人球咁款，公司多小人。去到2021年下半年就轉左工，新工作既人工又再好D，呢份工就做到依家，算係我2009年踏入社會以來最好既一份工。
2020, 2021年既投資上有小小地參與，但都係輸錢為主，係去到2022年先開始贏，2023年就贏大錢，一次過追番哂以前輸落既。
要我評既話，2020, 2021年唔會係好，但至少好過2018年既下半年。
謝謝。
2023年就贏大錢，一次過追番哂以前輸落既。(2023年香港股票成年係下跌，如果買港股怎麼賺錢？你沽空？或者買美股？
對，是沽空港股。
按照你所說經歷，以你八字來說，是身旺，喜財官食傷，忌印比肩比刼。你為人比較大膽，好勝，比較肯暴險，尤其是在炒股方面比較暴險，成敗差落比較大，一下賺很多錢，一下輸清，所以要有所節制，否則到頭來一埸空。 冇錯，你行到己卯.戊寅運將破財，但是，如果不在這些運投機，應該不會破財，否則必定破財，寅卯運利事業，不利投資，事業運會比較好，升職.掌權，但是財運比較差，丁丑.丙都是破財運。至子運，乙亥運比較好。享子女福。之於夫妻感情問題可能在2027年丁未年出現，過了這年，夫妻應該冇問題，宜多忍讓，2029.2030年己酉.庚戌年防破財，你同子女之間是有代溝，因為你時逢傷官見官，所以同子女缘簿，要靠老婆才能用子女溝通。
而我最衰果幾年又過左未？(請問:你是最衰那幾年？