請教焱榮大師(工作)及(2次移民)

你的出生時間14：42分是出世纸紀錄的？

焱榮大師您好！ 醫院時間寫15：02

因為你八字是身弱或從格難以判斷，請你提供資料印正，如:性格是保守？進取？是軟弱尤疑不决？還是果斷進取？學歷高低？出身是貧是富？父母地位高低？兄弟姊妹多少？

我自己驗證過應該是身弱。

我好幾年來日日飲雞精。食雞。餓金改運。。覺得運勢比較平穩。。。冇再異常地波動。。但絕對唔係好。

性格： 時而進取時而保守。。本身應該是進取的。但運氣唔係幾好。。所以變得保守。唔敢再亂來。。我肯定不是軟弱。。非常獨立。。好似單拖帶埋隻狗移民台灣。。雖然現在覺得移民台灣係我人生中做得最錯的1個決定

兄弟姊妹？ 2個同父異母哥哥（同前妻生既） 1個同母異父哥哥（同別人的老公生既）

出身： 阿媽係精神病的。冇社會地位。我今年5月冇再同佢聯絡。佢情緒勒索左我40年。我頂唔順了。我都被佢搞到精神病。。。

父親書香世代。風流才子。大學建築系講師。但都唔係咩達官貴人。2014年已故。

我在養和醫院出世。出生時算中產。父親事業起起伏伏。 1990年突然發左達公司規模5000萬。1997年又破產。但老豆長期有情婦操控住公司。佢發達都唔關我同我阿媽事。全世界以為情婦係正室。老豆只會比固定既生活費。才藝補習興趣班想學既都學齊。。老豆同情婦喺杏花村太古城灣仔跑馬地幾層樓都唔關我事。我同阿媽租住喺學校附近既劏房

學歴： 學士學位畢業。小學中學都讀傳統名校。隨便讀2讀都名列前茅。13歲就學到8級鋼琴。不過1997年因為老豆破產冇錢比我同我媽。我就幫d鄰居小孩補習同教琴。成績1落千丈。會考入唔返原本果間名校。最後都抆到車邊教育大學畢業咁。

我好唔明點解家陣會淪落到做廣東話客服。。即係識廣東話就可以架啦。。咁算係咩技能？ 我讀書嚟做乜？ 以前喺香港既學歴同經驗喺台灣係1文不值。 如果唔係我隻12歲既老狗有心臟病我唔可以貿然丟低台灣既一切的話。。我真係辭左職10世。。

我聽朝根本唔想返工。。。。失眠。。呢一刻十分軟弱猶疑不決。裸辭休息一下唔會餓死。仲有另1分都係廣東話客服既工可以做 。只係人工更低又成日要OT...又係盞搞。。前面幾條路都好似係通往懸崖咁。

這能確定係身弱了？謝謝您。

根據你的提供，你是未時無疑，你八字，亥卯未會成木局，乙木出干，財星非常旺，是偏財格，也是從財格，食神生財，喜金水木，忌火土，所以少年行癸卯壬寅運吉運，父親發達中產，7嵗起運，1997年15虚龄16嵗，提早行完壬寅運，丁丑流年，沖破本八字財局，財代表父親，不利父親，此年應父親破產，你八字財旺尅印，所以你母親精神出現問題，木主精神，木旺尅印，戌印代表你母親，你父親除你母親之外，另有細婆，未印代表細婆，未亥卯會財局，代表細婆掌控你父親的財，不關你事，因為你命中空亡在卯財，卯代表你父親，卯也在月令地支，月令地支也代表你母親及兄弟，所以你同父母.兄弟冇緣，你紫微斗數父母宮化忌兼陀羅鈴星代表你是同母異父命，你命宮文曲化忌入福德宮沖財帛宮，主你做事比較按照你的意念做，重觀念，輕視錢財，不合自己意念的錢寧可不賺，即比較任信，同時做事比較沖動，沒有周全考慮，恨錯難返，也因此影響你命運.財運，因而命運比較波動不穩定，最好信仰宗教改善，也可每天念地藏經上中下各一集或三集並做回向以化解業障，增加好運，你的工作最利做教育.傳媒.宗教。按照占卜所知，你的工作應該在明年4至5月結束或轉工，明年辰年沖太嵗不利，多是非煩惱或母親有事。2025年你很可能回流香港，因為你不利移民英國，又不想在台灣，目前行己亥運，因為亥亥相刑地支復吟，又行偏印，所以移民不利，多煩惱，印為忌神也代表決定錯誤引起煩惱，戊戌運合印化官，更加不利移民，丁酉運沖財合傷化財都是財來退，你八字命带財旺，不愁窮，錢化光了又有財至，只是聚不了財。

謝謝大師回覆。 請問您說：八字財旺尅印，所以你母親精神出現問題，木主精神，木旺尅印，戌印代表你母親。（是我剋她？但我成日覺得係佢剋住我。或者互剋。我出生前她已經精神病架啦，佢原生家庭非常有問題。）喺佢出事前我係咪要同佢和解？但和解後恐怕係我出事先過佢喎。。XD

是我剋她？但我成日覺得係佢剋住我。或者互剋。我出生前她已經精神病架啦，佢原生家庭非常有問題。） (不是你剋她，糸你爸爸同細婆尅她，財剋她，財代表你爸爸，未代表細婆，未會成了財去尅戌，很可能你爸爸娶了細婆刺激你媽媽精神病，而你媽媽對你是忌神，所以令你很多煩惱(凡是印為忌神，必令命主煩惱不開心)時常不和沒有緣份，不過，無論如何，媽媽是生你養你，為人子女不能不孝敬媽媽，否則是犯天條，令你運氣差。

咁岩我台灣屋企附近有間地藏王廟，行條斜路就到。。我會去化多d菩薩金架啦嗚嗚。。我以前天主教，但我阿媽2004被男人騙財騙色影哂閃卡勒索後。。佢又信左天主療傷逃避。。自此句句天主耶穌聖母。我被佢嚇到改左信佛。。佢就會咒我背叛天主要落地獄。。我唔係不孝呀。。我係恐懼。。（始終係阿媽）呢句野1次又1次將我扯進了無止境既深坑。我今年初仲邀請佢來台灣過年，仲去哂移民局幫佢辦文件來台灣居留。佢返香港後本來去埋軍器廠街申請良民證添架啦。。結果係佢自己又發作。唔嚟啦喎。

我唔識應付瘋子。佢堅癲唔係講笑：戊戌年甲子月丁卯日甲辰時。出年伏吟係咪兇多吉少？

查實我媽才是我爸和情婦的第3者。 我爸識情婦在先。並且係拍住做生意。所以情婦才會操控住公司。我爸會發達都因為情婦。我亦肯定如果冇左情婦，我小時候生活唔會咁安逸（但我重申我真的不是有錢女。就算我爸在當時算有錢，我也只是玩具多1d。衫褲鞋襪光鮮1d。興趣班同老豆講1句想學佢就會比錢我學而已。）＜＜＜這不是身弱任唔到財嗎？確實從來唔缺錢。錢唔夠時唔知點解突然又夠。

我媽明知我老豆到處風流快活都要故意懷孕我去綁住男人。就等於她明知我同母異父哥哥的爸爸有老婆，都要跟別人的老公生下兒子。。佢識左我爸後就遺棄兒子。這同母異父哥哥一直以為他爸爸的老婆是他生母直至18歲他換身份證看到出世紙🤣

她懷孕我時不停抽煙。想要逼我爸離開情婦。佢根本沒有為我既健康著想。子女都只是佢既工具。但因為我細個讀書真係好叻，我阿媽確實係好用心咁栽培我想我成材為了有個（靠山）。。怎料我現在被她親手害到成了條廢柴。。

我爸因為我而娶了我媽。我姑姐佢地話聽到我爸要結婚而對象不是情婦時。。大家都好shock.。。她和別人老公生下兒子後又遺棄走去嫁我老豆，人地老婆都未癲。佢有咩資格癲先？不是我爸和情婦害她的。是她自己搞到自己精神病

我爸所有既家人都視情婦係正室。很諷刺的是：我長大後同情婦感情也很好。我唔開心會同情婦傾訴。因為她是理性的。她從沒挑撥離間過我母女，我如果要講這母親怎樣害我，我諗癲過電視劇。我媽害完我後，是情婦幫忙我的。＜＜＜＜＜所以未土被合成木，變成喜神？

但我地支有根為甚麽會從？有時又是偏財格？？流年大運沒破局就是假從？破局就身弱？ 除了兒時2個大運算從／假從，餘生都因為大運而算身弱？但為何是財傷和比劫都算喜神。

我反覆驗證過，金一定係有利於我。

仲有請問如果我回港還有置業的機會嗎？ 2020年買台灣樓後樓市暴升，但因為香港樓價更離譜。就算我賣左台灣層樓都唔夠喺香港比首期。英國樓價相對親民。。

唔該哂您呀大師。

你母親八字戊戌.甲子.丁卯.甲辰，長得太靚所以惹來太多男人中意，但是用完又棄，可憐，想印正一下，她22嵗至42辛酉.庚申運行財運好？或者不好？現在行丁巳運如何？

問回香港有冇機會買樓？按照占卜，是有機會買的，只是要辛苦一點。

你媽媽明年沖太嵗，而你也是冲太嵗，財尅印，所以你媽媽明年可能有事或破財。

多謝大師您咁關心我阿媽。在唔同時間回覆左我！

佢冇財可破啦。。因為佢成日被人呃。。我幫佢拎哂去我名下做定期。個個月比生活費佢。所以佢成日話我謀財害命。。。

咁我謀左好過被其他人謀。。然後要我揹債呀嘛？ 我係等佢有個安穩既晚年咋。。果舊錢喺香港未必夠佢過世。。但喺台灣1定得。

我自問下下都為佢著想。。幫佢諗邊條路對佢係最好。。但佢就話我操控佢。。喂呀咁佢冇腦。。見佢就快跌落懸崖叫佢唔好再行前。。咁叫控制佢？都出左好多次事。。

如果舊錢喺佢手。。佢已經比人呃哂去買加密貨幣。。仲差點被佢爛賭親生仔扮買樓夾埋個業主局佢撻訂。。我唔比錢佢（買樓）。佢仲同姨媽借左10萬訂金。好彩姨媽諗諗下唔對路即刻同我講。。先至識破左果個騙子阿哥既陰謀。淨係洗左2萬律師費。真係豐富過電視劇本。。我日日被佢呢d 硬膠事搞到精神衰弱同財政衰弱。。

所以佢出年出事居多。。係先天性心漏病？佢1出世就心漏病。當時醫生話佢過唔到12歲。。佢仲9歲已經食煙食左50幾年個肺全黑的。。睇怕真係氣數已盡。。 請問有冇得化解呀？ 我比返舊錢等佢被人呃哂破財擋災嗎？

你可以日日念地藏經，或每天念地藏王菩薩108次，然後念:將念經功德回向給我母親前生今生冤親債主緾身靈，讓它們早登極樂世界，修成正果，消除一切罪業，保佐我母親身體健康，平安，就可以了。由現在開始，日日念，念至2025年立春可以解除了。

好的多謝大師指點！ 我日日唸經。。再燒d 地藏王金。。

咁你都知佢好靚！！？？？ 應該係朱茵同周惠敏既等級。。

我老豆對佢都算有情有義唔係即棄架。但佢郁d就發癲打人1包2包冚埋去。。打到我老豆大牙都甩左幾隻。我係男人都唔敢返屋企啦返親去就1哭2鬧3上吊。。。

財運嗎？ 佢1981辛酉大運同辛酉年識左我老豆。衣食都無憂。其實佢出世直至1997老豆破產前。。都未出去打過工。都係有人養。

識我老豆之前。果位同母異父哥哥的爸爸是高級警察。喺將軍澳有幾幅地好有錢的。養左佢幾年。

再之前係個社團大佬。因為同社團有關係去左女童院教化。就係咁所以識左果個有錢差佬。

再之前又同明星公子1齊過。。佢之前識親個個男人都係有錢。我老豆應該咁多個裡最窮果個。。。

1985／86年我老豆落哂訂買黃埔花園。寫阿媽個名。但突然生意唔好就撻左訂。然後1988年我媽抽到居屋就成功買左。

1997後老豆冇錢比我地。。佢就做sales／收銀員（斷斷續續咁有長工有短工）。。 2015年去左教堂做阿姐。人工唔錯。

2016賣居屋。諗住我去台灣打點好1切後佢再過來台灣退休。點知佢話要待奉天主唔想待奉我喎。。 就算2021年尾退休後。。佢都keep住返教堂做part time..

https://book.bfnn.org/books/0016.htm

請問呢個地藏經！！？？